Արգենտինայի Արտաքին գործերի նախարարության կողմից կազմակերպվող Մարդու իրավունքների միջազգային իրավունքի զարգացման վերաբերյալ քննարկումների արդի հարցերի շուրջ վիրտուալ սեմինարների շրջանակներում՝ սույն թվականի սեպտեմբերի 15-ին, Բուենոս Այրեսի ժամանակով 12:00-13:30-ը կկայանա «Բազմազանություն և ներառում: Դուրբանի գրեթե 20 տարվա խտրականության դեմ պայքարի շուրջ քննարկումների արդիականացում» թեմայով վեբինար:
Վեբինարին ողջույնի խոսքով հանդես կգա ՄԱԿ-ի Մարդու իրավունքների գերագույն հանձնակատար Միշել Բաչելետին: Վեբինարի բանախոսներն են, ի թիվս այլոց, սենատոր, նախկին արտգործ նախարար և Մարդու իրավունքների միջամերիկյան (ՄԻՄՀ) հանձնաժողովի նախկին գործադիր քարտուղար Խորխե Տայանան, ՄԻՄՀ հանձնակատար Խուլիսիա Մանտիլյան, Սեռական կողմնորոշման և գենդերային ինքնության վրա հիմնված բռնությունից և խտրականությունից պաշտպանության ՄԱԿ-ի անկախ փորձագետ Վիկտոր Մադրիգալ-Բորլոզը: Սեմինարը կվարի Խոշտանգումների կանխարգելման ենթահանձնաժողովի արգենտինացի թեկնածու Մարիո Կորիոլանոն:
Գրանցումներն ընդունվում են մինչև 2020 թվականի սեպտեմբերի 14-ը՝ հետևյալ հղումով` https://forms.gle/tQVS35DiAahjk2u48: Մասնակցության տեղերը սահմանափակ են, ուստի առաջնայնությունը կտրվի առավել վաղ գրանցվածներին:
Սեմինարն անցկացվելու է իսպաներեն լեզվով: Անգլերեն համաժամանակյա թարգմանություն չի նախատեսվում:
