Արգենտինայի Արտաքին գործերի նախարարության կողմից կազմակերպվող Մարդու իրավունքների միջազգային իրավունքի զարգացման վերաբերյալ քննարկումների արդի հարցերի շուրջ վիրտուալ սեմինարների շրջանակներում՝ սույն թվականի հոկտեմբերի 15-ին, Բուենոս Այրեսի ժամանակով 14:00-15:30-ը կկայանա «Հանրային քաղաքականությունը և մարդու իրավունքների միջազգային իրավունքի առաջընթաց զարգացումը» թեմայով վեբինար:
Ողջույնի խոսքով հանդես կգա Էստելլա Կարլոտտոն, բացման խոսքը կտրվի ԱԳՆ աշխատակազմի ղեկավար դեսպան Գիլյերմո Չավեսին, իսկ փակման խոսքով հանդես կգա Ժնևում հավատարմագրված միջազգային կազմակերպություններում Արգենտինայի մշտական ներկայացուցիչ, դեսպան Ֆեդերիկո Վիլեգասը:
Սեմինարը կվարի Խոշտանգումների կանխարգելման ենթահանձնաժողովի արգենտինացի թեկնածու Մարիո Կորիոլանոն:
Գրանցումներն ընդունվում են մինչև 2020 թվականի հոկտեմբերի 14-ը՝ հետևյալ հղումով` https://forms.gle/Gec6J1Z2XWgRSHWn9: Մասնակցության տեղերը սահմանափակ են, ուստի առաջնայնությունը կտրվի առավել վաղ գրանցվածներին:
Սեմինարն անցկացվելու է իսպաներեն լեզվով: Անգլերեն համաժամանակյա թարգմանություն չի նախատեսվում:
