Արգենտինական համերաշխության ավանդույթի համաձայն և արտաքին գործերի նախարար Սանտյագո Կաֆիերոյի ցուցումով, Արգենտինայի միջազգային համագործակցության և մարդասիրական օգնության գործակալությունը՝ «Սպիտակ սաղավարտները», Բուենոս Այրեսում Հայաստանի դեսպանությանը առաջարկել է օգնություն ցուցաբերել Հայաստանում հումանիտար արտակարգ իրավիճակից տուժած բնակչությանը։
Արգենտինայի առաջարկը ներառում է լոգիստիկայի մասնագետների մարդասիրական առաքելություն, որի նպատակն է ուժեղացնել ճամբարների և ապաստարանների ղեկավարումն ու կառավարումը, ջրի, սանիտարական և հիգիենայի մասնագետների առաքելություն, որը ներառում է ջրի մաքրման պլանշետների և ախտահանիչների առաքում, դրանց օգտագործման կառավարում և ուսուցում, դեղորայք և բժշկական պարագաներ և չոր սնունդ:
