Մայիսի 29-ին դեսպան Գոնզալո Ուրրիոլաբեիտիան այցելեց «Մխիթար Սեբաստացի» կրթահամալիր, որտեղ հանդիպում ունեցավ կրթահամալիրի տնօրեն Աշոտ Բլեյանի և Ավագ դպրոցի տնօրեն Մարթա Ասատրյանի հետ:
Դեսպանը շրջեց դպրոցով և մասնակցեց արգենտինացի գրողների գործերի հայերեն թարգմանությունների էլեկտրոնային գրքի ներկայացմանը, որը պատրաստել էին դպրոցի սաները իսպաներենի ուսուցչուհի Նարինե Բարսեղյանի հետ համատեղ:
Հանդիպման ընթացքում խոսվեց նաև Հայաստանում կրթության ոլորտում առկա մի շարք մարտահրավերներից, աշակերտների փոխանակման ծրագրերից և այլ համատեղ ծրագրերի մշակումից և իրականացումից:
