Այսօր Հայաստանում Արգենտինայի Հանրապետության նորանշանակ դեսպան Մարիանո Վերգարային ընդունեց Հայաստանի Արտաքին գործերի նախարար Արա Այվազյանը:
Հավատարմագրերի պատճենի հանձնման արարողությանը հաջորդած զրույցի ընթացքում նախարար Այվազյանը շնորհավորեց դեսպան Վերգարային Հայաստանում դեսպան նշանակվելու կապակցությամբ և հաջողություններ մաղթեց դիվանագիտական առաքելությունում: Նմանապես, նա շեշտեց, որ Հայաստանի և Արգենտինայի ժողովուրդներին միավորում են երկարամյա բարեկամական հարաբերությունները, որոնք առանձնանում են հատկապես երկկողմ սերտ և բեղմնավոր հարաբերություններով:
Դեսպան Վերգարան շնորհակալություն հայտնեց ընդունելության համար և հայտնեց երկու երկրների միջև բարձր մակարդակի քաղաքական երկխոսությունը խորացնելու, առևտրային կապերն ընդլայնելու և երկկողմ համագործակցությունն էլ ավելի զարգացնելու պատրաստակամություն հատուկ ուշադրություն դարձնելով երկուստեք հետաքրքրություն ներկայացնող բոլոր ոլորտներին, ինչպիսիք են գյուղատնտեսական համագործակցության նախագծերը, որն իրականացվել է INTA- ի, ՀԲԸՄ - ի, «Հայաստանի հողերի» և Հայաստանի ազգային ագրարային համալսարանի աջակցությամբ:
Կողմերն անդրադարձան նաև երկկողմ օրակարգի մի շարք հարցերի, քննարկեցին բազմաթիվ ոլորտներում համագործակցության զարգացման հեռանկարները, որոնք ստեղծվում են ժամանակակից աշխարհում տեղի ունեցող փոփոխությունների համատեքստում։
Հանդիպման ընթացքում զրուցակիցները կարևորեցին Արգենտինայի հայ համայնքի նշանակալից դերն ու ներդրումը երկու երկրների միջև համագործակցության զարգացման գործում:
