Ապրիլի 21-ին կայացավ Արգենտինայի և Հայաստանի միջև տեխնիկական համագործակցության շրջանակներում գործող «Փորձացուցադրական դաշտի ստեղծման ինստիտուցիոնալ ամրապնդման» ծրագրի ցուցանակի բացումը: Ծրագիրը մշակվել է Հրվ. Ամերիկայի ՀԲԸՄ-ի, Արգենտինայի Գյուղատնտեսական տեխնոլոգիաների ազգային ինստիտուտի (INTA), Հայաստանի ազգային ագրարային համալսարանի, արգենտինական «Տիեռաս դե Արմենիա» ընկերության և ՀՀ-ում Արգենտինայի դեսպանության համատեղ ջանքերով:
Միջոցառմանը մասնակցում էին դեսպան Մարիանո Վերգարան, ՀԲԸՄ Արգենտինայի ներկայացուցիչները՝ ՀԲԸՄ Բուենոս Այրեսի նախագահ Անտոնիո Սարաֆյանի գլխավորությամբ, Հայաստանի ազգային ագրարային համալսարանի և «Տիեռաս դե Արմենիա» ընկերության ներկայացուցիչներ։
Դեսպան Մարիանո Վերգարան ընդգծեց համատեղ համագործակցության արժեքը և շնորհակալություն հայտնեց ծրագրում ներգրավված կառույցներին՝ մատնանշելով տեխնիկական նմանատիպ համագործակցությունների կարևորությունը, որը շարունակական ընթացքի մեջ Հայաստանի գյուղատնտեսության ոլորտում։
Ագրարային համալսարանի մասնագետներն իրենց հերթին ցուցադրեցին կատարված կառուցվածքային տեղադրումները և ՀԲԸՄ ներկայացուցիչներին ներկայացրեցին համագործակցության ծրագրի շրջանակներում իրականացվող աշխատանքների ընթացքը:
