Հուլիսի 10-ին դեսպան Գոնզալո Ուրրիոլաբեիտիան հանդիպեց Սփյուռքի գործերի գլխավոր հանձնակատար Զարեհ Սինանյանի հետ:
Զրուցակիցներն ընդգծեցին Արգենտինայի և Հայաստանի միջև պատմական բարեկամությունը, որն արտացոլվում է քաղաքական բարձր մակարդակի երկխոսության, երկու երկրների միջև բազմակողմ համագործակցության և տնտեսական ինտենսիվ հարաբերությունների մեջ:
Այս համատեքստում, երկու պաշտոնյաներն ըդգծեցին Արգենտինայի հայկական սփյուռքի կարևոր դերը, որն իր նշանակալի ավանդն ունի երկու երկրների միջև կապերի զարգացման մեջ:
Այնուհետև կողմերը երկխոսեցին երկկողմ համագործակցության շրջանակներում իրականացվող և իրականացվելիք գյուղատնտեսական, տնտեսական, մշակութային ու կրթական նախագծերի շուրջ: Դեսպան Գոնզալո Ուրրիոլաբեիտան նշեց, որ Հայաստանի և Արգենտինայի միջև կնքված Արձակուրդի և աշխատանքի ծրագրի մասին համաձայնագիրը, որը երկու երկրներում տարբեր ոլորտների գործունեության մեջ կներառի հայ և արգենտինացի երիտասարդներին, կարող է երկկողմ հարաբերություններում Արգենտինայի սփյուռքի դրական մասնակցությանը նպաստող հետաքրքրաշարժ միջոց դառնալ:
