Հունիսի 19-ին կայացավ տեսակոնֆերանս Հայաստանի Ազգային ագրարային համալսարանի տրամադրած հողատարածքում գյուղատնտեսական համագործակցության մասնակից տարբեր կառույցների ներկայացուցիչների ու տեխնոլոգների միջև։
Չնայած համաճարակով պայմանավորված դժվարություններին՝ նախագիծը շարունակում է զարգանալ՝ նպատակ ունենալով ստեղծել հայ գյուղատնտեսների արտադրական ծավալների աճի խթանմանն ուղղված փորձացուցադրական դաշտ։
Արդեն իսկ կատարվել են հողի նախապատարաստման աշխատանքներ, տեղադրվել է ամբար և ոռոգման համակարգ։
Այս նախագծին մասնակցող կազմակերպություններն են Հայաստանի Ազգային ագրարային համալսարանը, Հայկական ընդհանուր բարեգործական միությունը, Արգենտինայի Գյուղատնտեսական տեխնոլոգիաների ազգային ինստիտուտը, «Հայաստանի հողեր» - «Կարաս Վայնս» արգենտինական կապիտալով ընկերությունները և Արգենտինայի Արտաքին գործերի նախարարության Հարավ-Հարավ և Եռակողմ համագործակցության արգենտինական ֆոնդը։
Ցանկանում ենք շնորհակալություն հայտնել ագրոնոմ ինժեներ Գաբրիել Մեղրունիին և ողջունել ագրոնոմ ինժեներ Մանուել Գոմեսին, որը կփոխարինի վերջինիս։
Շնորհավորում ենք և շնորհակալություն հայտնում բոլորին այս մեծ աշխատանքի համար։
